fento macho (gal)

Description:

Todos os fentos presentan alternancia de xeracións, é dicir, no mesmo ciclo de vida vai pasar por 2 tipos de formas, as que producen esporas, chamadas esporófitos, e as que producen gametos, chamadas gametófitos. A xeración que vemos é a do esporófito, pois o gametófito é moi pequeno. O esporófito está composto dun fronde formado por un pecíolo e unha lámina. A lámina pode estar unha ou varias veces dividida. Cada división chámase pinna e as divisións das pinnas chámanse pínnulas.

Habitat:

Bosque de riveira

Notes:

Todas as especies do xénero Dryopteris son difíciles de identificar e necesítase experiencia e instrumental de laboratorio para o cometido. Ademais algunhas delas poden hibridar. Aquí faise a descrición da especie que probablemente sexa a máis frecuente en Galicia. A súa vez esta especie posúe tres subespecies.